09:05, 26 Апрель 2024 | GMT +6
ШҲТга аъзо давлатлар мудофаа вазирлари йиғилиши иштирокчилари Астанага етиб келди
ASTANA. Kazinform - Бугун Астанада Шанхай ҳамкорлик ташкилотига аъзо давлатлар мудофаа вазирларининг йиғилиши бошланади. Бу ҳақда Kazinform ҚР Мудофаа вазирлиги матбуот хизматига таяниб хабар беради.
Тадбир Қозоғистоннинг ШҲТга раислиги доирасида ўтказилмоқда. Унда Ҳиндистон, Эрон, Хитой, Қирғизистон, Покистон, Россия, Тожикистон ва Ўзбекистон мудофаа вазирликлари раҳбарлари иштирок этади.
Бундан ташқари, йиғилишга Шанхай ҳамкорлик ташкилоти Бош котиби, ШҲТ Минтақавий аксилтеррор тузилмаси Ижроия қўмитаси директори ва Беларусь мудофаа вазири таклиф этилган.
