Шавкат Раҳмоновнинг навбатдаги рақиби ким
ASTANA. Kazinform - Ярим ўрта вазн тоифасида UFC чемпиони қозоғистонлик Шавкат Раҳмоновга (18-0) асосий даъвогарлардан бири аниқланди.
Бу йил 30 июнда АҚШ-нинг Невада штати Лас-Вегас шаҳрида бўлиб ўтадиган UFC 303 турнирига яна бир жанг қўшилди. Хусусан, ярим ўрта вазн тоифасида британиялик Майкл Пейж (22−2) ва ирландиялик Ян Гарри (14−0) жанг қилади.
Аввалроқ Раҳмонов Пейж унинг кейинги рақиби бўлиши мумкинлигини айтганди.
“Ўйлашимча, кейинги рақибим Маддалена бўлади. Бироқ номзодлар орасида Пейж ҳам бор. Мен учун ким билан жанг қилишим муҳим эмас, асосийси чемпионлик учун курашга тезроқ етиб бориш”, - деди у.
Бироқ экспертларнинг таъкидлашича, Шавкатнинг навбатдаги рақиби австралиялик Жек Делла Маддалена бўлади.
Эслатиб ўтамиз, Маддалена шу йил 10 мартда Майамида (АҚШ, Флорида) бўлиб ўтган UFC 299 турнирида бразилиялик Гилберт Бернсни (22-7) мағлуб этганидан кейин Раҳмоновни жангга таклиф қилган эди.
