Шавкат Мирзиёев Қозоғистоннинг олий мукофоти – «Алтын қыран» ордени билан тақдирланади
ASTANA. Kazinform – Ўзбекистон Президенти Шавкат Мирзиёев Қозоғистоннинг олий мукофоти – «Алтын қыран» ордени билан тақдирланади. Бу ҳақда Давлат раҳбари Қасим-Жомарт Тоқаев Ақордада Ўзбекистон Президенти Шавкат Мирзиёев билан музокарадан сўнг ўтказилган брифингда маълум қилди.
“Муҳтарам Шавкат Миромонович Мирзиёев мамлакатларимиз ўртасидаги дўстона қўшничилик ва иттифоқчиликни мустаҳкамлашга алоҳида ҳисса қўшаётганини алоҳида таъкидламоқчиман. Қозоғистон халқи Ўзбекистон раҳбарининг бу машаққатли меҳнатини юксак қадрлайди. Шуни ҳисобга олиб, муҳтарам Шавкат Миромоновични давлатимизнинг олий мукофоти – «Алтын қыран» ордени билан тақдирлашга қарор қилдим. Бу халқимизнинг Ўзбекистон раҳбарига бўлган алоҳида ҳурматидан далолатдир. Бу ҳам икки давлатнинг азалий ҳамжиҳатлигининг ёрқин ифодасидир. Қозоғистон ва Ўзбекистоннинг бузилмас дўстлиги абадий давом этсин!”, – деди Қозоғистон Президенти.
