Шарқий Европада кучли бўронлар юз берди: қурбонлар бор

ASTANA. Kazinform - Шарқий Европанинг бир қанча мамлакатлари кучли бўронлардан азият чекди. Латвия ва Литвада содир бўлган кучли тўфон оқибатида камида бир киши ҳалок бўлди, 200 мингга яқин хонадон электр таъминотисиз қолди, дея хабар беради Кazinforn агентлиги Euronewsга таяниб.

Ўт ўчирувчилар ва қутқарувчиларга қулаган дарахтлар, шикастланган автомобиллар ва сув босган йўллар билан боғлиқ юзлаб фавқулодда қўнғироқлар келиб тушди. Расмийлар аҳолини хавф ҳақида огоҳлантириб, фақат фавқулодда ҳолатларда саёҳат қилишга чақирди.

Иш юкламасига қарамай, фавқулодда хизматлар бўрон оқибатларини енгишга қодир эканига ишонтирди.

Метеорологларнинг прогнозларига кўра, Латвияда ҳукм сураётган кучли шамоллар Рига кўрфази қирғоқлари бўйлаб сув сатҳини кўтаришда давом этади ва пойтахт Ригадан оқиб ўтувчи Даугава дарёси қирғоқларидан тошиб кетиши мумкин.

Шарқий Европанинг бошқа мамлакатлари ҳам кучли бўронлардан азият чекди.

Кучли шамол ва ёмғир Словенияда вайронагарчиликка олиб келди. Эстония ҳам жабр кўрди, аммо жиддий моддий зарарни четлаб ўтди.

Польшадаги бўронлар уч кишининг ҳаётига зомин бўлди, 100 минг уй электр таъминотисиз қолди.