Сеулда Хэллоуин байрамида 120 дан ортиқ одам вафот этди

SEOUL. Yonhap-Kazinform –Жанубий Корея пойтахтида ўтказилган Хэллоуин байрами чоғида 120 киши вафот этди, 100 дан ортиқ киши жабрланди, дея хабар беради Kazinform Yonhap агентлигига таяниб.

Фожиа Сеулнинг Итхэвон туманида юз берди.

Мамлакат президенти Юн Сок Ёль бир неча бор фавқулодда йиғилишлар ўтказди. У жабрланганларга зудлик билан биринчи ёрдам кўрсатишни буюрган. Шунингдек, Итхэвонга шошилинч тиббий ёрдам бўйича мутахассисларни жўнатиш ва тезкор тиббий ёрдам учун ётоқ-жойларни тайёрлашни топширди.

Дастлабки маълумотларга кўра, Хэллоуин байрамида катта гуруҳ одамлар Hamilton меҳмонхонаси яқинидаги тор кўчага кириб, бир-бирини оёқ ости қилган.

Эслатиб ўтамиз, аввалига ҳодиса оқибатида атиги 50 киши жабрлангани хабар қилинганди. Кейинроқ 2 киши ҳалок бўлгани, 23 киши жароҳат олгани хабар қилинган эди. Кейинчалик, 59 киши ҳалок бўлгани, 150 дан ортиқ киши жароҳат олгани ҳақида хабар берилган.