Сербия Президенти Қасим-Жомарт Тоқаевни Белградга ташриф буюришга таклиф қилди

ASTANA. Kazinform – ҚР Президенти Сербия Президенти билан телефон орқали мулоқот қилди, деб хабар беради Ақорда матбуот хизмати.

Сербия томони ташаббуси билан ўтказилган музокараларда сиёсий, савдо-иқтисодий ҳамкорликнинг бугунги ҳолати ва ривожланиш истиқболлари муҳокама қилинди. Томонлар ишбилармонлик алоқаларини мустаҳкамлаш, шунингдек, саноат, қишлоқ хўжалиги, транспорт ва логистика соҳаларида қўшма сармоявий лойиҳаларни амалга оширишдан ўзаро манфаатдор эканликларини билдирдилар.

Шу билан бирга, икки давлат раҳбарлари халқаро кун тартибидаги қатор долзарб масалалар юзасидан фикр алмашиб, барқарор ривожланишни таъминлаш, глобал тинчлик ва хавфсизликни мустаҳкамлаш бўйича конструктив мулоқотни давом эттиришга тайёр эканликларини тасдиқладилар.

Сербия Президенти Александр Вучич Давлат раҳбари Қасим-Жомарт Тоқаевни Белградга ташриф буюришга таклиф қилди.