Сенегалдаги сайловлар: Бассиру Диомайе Фай Африканинг энг ёш президенти бўлади

DAKAR. Kazinform – Сенегалдаги сайловларда мухолифат номзоди 53 фоиздан кўпроқ овоз тўплади. Мамлакатнинг амалдаги президенти Маки Сал ва ҳукмрон коалиция вакили Амаду Ба Диомайе Файни президентлик сайловларининг биринчи босқичидаги ғалабаси билан табриклади. Бу ҳақда ВВС ёзди.

Сенегал миллий автоном сайлов комиссияси маълумотларига кўра, Сенегалда бир кун аввал бўлиб ўтган президентлик сайловларида мухолифат номзоди Бассиру Диомайе Фай 53,7 фоиз овоз олган.

Диомайе Файнинг асосий рақобатчиси, ҳукмрон коалиция вакили Амаду Ба 36,2 фоиз овоз олди.

Таъкидланишича, бу дастлабки маълумотлар бўлиб, сайлов участкаларининг 90 фоизида бюллетенларни санаб чиқишдан сўнг олинган. Сайловнинг расмий натижалари ҳали эълон қилинмади.

Бассиру Диомайе Фай 44 ёшда. У Сенегал президенти этиб сайлангани якуний тарзда тасдиқланса, Африка тарихида энг ёш президентига айланади.