Сенегалда оммавий тартибсизликлар ва можаролар юзага келди

DAKAR. Kazinform – Африканинг яна бир давлатида можаролар ва норозилик намойишлари бўлиб ўтмоқда – Сенегалда мухолифат етакчиси ҳибсга олинганидан кейин тартибсизликлар бошланди, дея хабар беради Kazinform Еuronewsга таяниб.

Сенегалда мухолифат етакчиси Усман Сонко исёнда айбланиб, унинг партияси тарқатиб юборилганидан кейин тартибсизликлар бошланди. Расмийлар интернетни чеклади.

Амалдаги давлат раҳбари Маки Сальни очиқдан-очиқ танқид қилган У.Сонко келаси йилнинг февралида бўлиб ўтадиган президентлик сайловларида иштирок этиш истаги борлигини маълум қилди. Унинг машҳурлиги, айниқса, ёшлар орасида ошиб бормоқда ва у ҳукмрон партияга таҳдид солиши мумкин. Июнь ойида У.Сонко болаларни васвасага солганлиги учун икки йилга озодликдан маҳрум этилган ва шу сабабли у сайловда қатнашиш имкониятидан маҳрум қилинган.

Маки Саль учинчи муддатга сайланмаслигини, бироқ ўз партиясидан номзодни қўллаб-қувватлаши мумкинлигини маълум қилди.

Ғарбий Африкада узоқ вақтдан бери демократия тимсоли сифатида кўрилган мамлакатни сиёсий таранглик ларзага келтирди. Сенегал Нигердаги инқирозни енгиш бўйича биргаликдаги саъй-ҳаракатларда иштирок этаётган Африка давлатларидан биридир.