Сенаторлар МДҲ Парламентлараро Ассамблеяси комиссияси ишида иштирок этди
ASTANА. Кazinform — Қозоғистон Республикаси Парламенти Сенати депутатлари Ольга Булавкина, Айгул Капбарова ва Алтинбек Нуҳули МДҲ Парламентлараро Ассамблеяси доимий комиссиялари ишида иштирок этди.
Ольга Булавкина Аграр сиёсат, табиий ресурслар ва экология бўйича комиссия йиғилишида “Атмосфера ҳавосини муҳофаза қилиш тўғрисида”, “Тупроқни муҳофаза қилиш тўғрисида”, “Атроф-муҳит мониторинги тўғрисида”, “Радиоактив чиқиндилар билан ишлаш тўғрисида” ва “Узумчилик ва виночилик тўғрисида”ги намунавий қонунларни ҳамкасблари билан биргаликда муҳокама қилди.
Ижтимоий сиёсат ва инсон ҳуқуқлари комиссиясининг йиғилишида сенатор Айгул Қапбарова МДҲга аъзо давлатларнинг умумий миграция маконининг янги таҳрирдаги концепцияси лойиҳасини ишлаб чиқиш бўйича МДҲ ПАнинг ишчи гуруҳини тузиш ва “Мустақил Давлатлар Ҳамдўстлигининг 2023-2025 йилларга мўлжалланган намунавий қонунчилигига ўзгартиришлар киритиш тўғрисида” масалаларни кўриб чиқди.
Фан ва таълим масалалари бўйича сессияда сенатор Алтинбек Нуҳули халқаро академик алмашинувни меъёрий тартибга солиш бўйича тавсиялар концепциясини ҳамда МДҲга аъзо давлатларда ёш истеъдодларни ривожлантириш ва қўллаб-қувватлаш тизимини норматив-ҳуқуқий тартибга солиш бўйича ишлаб чиқувчилар томонидан тақдим этилган тавсияларни бошқа мамлакатлар депутатлари билан биргаликда кўриб чиқди.
