Семей ядровий хавфсизлик зонаси ташкил этилди

Бугундан бошлаб “Семей ядровий хавфсизлик зонаси тўғрисида”ги қонун кучга кирди. Шу тариқа Семей ядровий хавфсизлик зонаси яратилди, деб хабар беради Каzinform.

Эслатиб ўтамиз, Давлат раҳбари 2023 йил 5 июлда “Семей ядровий хавфсизлик зонаси тўғрисида”ги ва “Қозоғистон Республикасининг айрим қонун ҳужжатларига Семей ядровий хавфсизлиги зонаси, экология ва электр энергетикаси масалалари бўйича ўзгартиш ва қўшимчалар киритиш тўғрисида”ги қонунларни имзолаган эди.

Ушбу ҳужжатлар бугундан кучга кирди.

Қонунга мувофиқ, собиқ Семей ядровий полигонида Семей ядровий хавфсизлик зонасини яратиш режалаштирилган.

Бу ҳудуд ядровий ва радиациявий хавфсизликни таъминлаш, шунингдек, собиқ Семей ядро полигони ҳудудидаги ерларни босқичма-босқич иқтисодий муомалага қайтариш учун реабилитация қилиш мақсадида ташкил этилади.

Комплекс экологик экспертиза ва давлат экологик экспертизаси натижаларига кўра аниқланган ифлосланган ўринларда махсус зона ташкил этиш кўзда тутилган.

"Семей ядровий хавфсизлик зонаси тўғрисида" ги қонун қуйидаги масалаларни ҳал қилади:

— собиқ Семей полигонида ва унга туташ ностандарт радиоактив ифлосланишга учраган ҳудудларда “Семей ядровий хавфсизлик зонаси” махсус зонасини яратиш;

— радиоактив ифлосланиш тарқалишини чеклаш;

— полигон ҳудудида радиоактив чиқиндиларни йиғиш, жойлаштириш ва йўқ қилиш йўли билан Семей ядровий хавфсизлик зонаси ҳудудини қайта тиклаш;

— Семей ядровий хавфсизлик зонасида радиоактив ифлосланиш даражасини доимий мониторинг қилиш.