Селин Дион Олимпиада очилишида Парижда чиқиш қиладими

ASTANA. Kazinform - Сешанба куни эрталаб канадалик қўшиқчи Селин Дион Парижга етиб келди, дея хабар беради Kazinform агентлиги мухбири.

Шу билан бирга, Франция президенти Эммануэль Макрон «France 2» ва «France Bleu» телеканалларига берган интервьюсида унинг очилиш маросимидаги иштироки “ажойиб янгилик бўлар эди” деди.

Шундай қилиб, Франция раҳбари мамлакатдаги машҳур қўшиқчининг потенциал чиқишини на тасдиқлади, на инкор этди.

"Бу ажойиб янгилик бўларди, чунки у ажойиб қўшиқчи. Агар у барча юртдошларимиз қатори ушбу очилиш маросимида иштирок эта олса, мен жуда хурсанд бўлардим”, - деди у журналистларни Сена дарёсида режалаштирилган очилиш шоусининг “сюрпризларини ошкор қилишни” истамасдан.

18 июнда «Le Parisien» газетасининг хабар беришича, Селин Дион, сўнгги дақиқаларда ўзгаришлар рўй бермаса, режиссёр Томас Жолли сценарийси бўлган улкан шоунинг сенсацияларидан бири бўлади.