Сайёҳлар Наврўз байрамини бирданига икки давлат – Қозоғистон ва Ўзбекистонда кутиб олишади
ASTANA. Kazinform – 20-25 март кунлари сайёҳлар Наврўз байрамини бирданига икки давлат – Қозоғистон ва Ўзбекистонда кутиб олади. Бу сафар йўналиш кенгайтирилиб, қаторга Марказий Осиёнинг қадимий шаҳарларидан бири Тараз қўшилди. Бу ҳақда ҚР Туризм ва спорт вазирлиги хабар берди.
Баҳорнинг ёрқин байрами – Наврўз байрами муносабати билан Jibek Joly йўналиши бўйича учинчи темир йўл саёҳати бошланади. 20-25 март кунлари сайёҳлар Наврўз байрамини бирданига икки давлат – Қозоғистон ва Ўзбекистонда кутиб олади. Бу сафар йўналиш кенгайтирилиб, қаторга Марказий Осиёнинг қадимий шаҳарларидан бири Тараз қўшилди.
Халқаро саёҳат доирасида Алмати, Туркистон, Тошкент, Самарқанд ва Тараз шаҳарлари ҳам бор. Саёҳатчилар беш кун давомида қадимий шаҳарларни кўриб, Буюк Ипак йўлининг маънавий мероси, ҳар икки давлатнинг бой маданияти билан яқиндан танишадилар.
Этноқишлоқдаги байрам тадбирлари миллий анъаналар ва ўзгача дабдабаларга бой бўлади:
Концерт дастури;
Анъанавий урф-одатларни намойиш этиш;
Миллий таомлардан татиб кўриш:
Сайёҳлар ҳақиқий шарқона меҳмондўстликни ҳис қилишлари ва қулай хизматлардан фойдаланишлари мумкин:
профессионал раҳбар ҳамроҳлигида;
замонавий вагонларда жойлаштириш;
овқатланиш;
экскурсия дастурлари.
Эслатиб ўтамиз, Jibek Joly сайёҳлик поезди Қозоғистон ва Ўзбекистон ўртасидаги илк саёҳатини ўтган йилнинг ноябрь ойида амалга оширган эди. Мазкур лойиҳага нафақат маҳаллий сайёҳлар, балки Туркия, Қирғизистон, Украина, Россия ва бошқа давлатлардан келган меҳмонлар ҳам қизиқиш билдирмоқда.
Бугун поезд Буюк ипак йўли йўналиши бўйича икки марта қатновни амалга оширди. Наврўз байрамига 350 га яқин сайёҳ учинчи саёҳатга жўнаб кетади. Бу темир йўл саёҳатига саёҳатчилар орасида талаб юқори эканлигини яна бир бор исботлайди.
