Сайлов куни МДҲнинг 8 давлатидан 174 нафар кузатувчи ишлайди
«МДҲнинг Қозоғистондаги президент сайловини кузатиш бўйича миссияси ўз ишини давом эттирмоқда. Миссия раҳбари сифатида мусобақанинг финал босқичига раҳбарлик қилиш учун кеча Астанага учдиб келдим. Миссиямиз 27 октябрдан бери ишламоқда. Давлат тузилмалари вакиллари, сайловга тайёргарлик кўриш ва уни ўтказишга масъул шахслар билан учрашдик. Ички ишлар ва Ташқи ишлар вазирликларида бўлдик. Биз Марказий сайлов комиссияси ва Бош прокуратура билан яқиндан ҳамкорлик қилдик. Бундай яхши, конструктив, кундалик мулоқот миссиямиз кузатувчилари дуч келадиган муаммоларни ҳал қилиш имконини беради. Қозоғистонда навбатдан ташқари президент сайловларини ўтказиш тўғрисида қарор қабул қилинган пайтдан бошлаб МДҲ Ижроия қўмитаси ҳам, сайловни кузатиш учун масъул шахслар ҳам дарҳол ОАВ ва интернетда эълон қилинган маълумотларни таҳлил қилишга киришдилар», — деди Сергей Лебедев Марказий сайлов комиссиясида бўлиб ўтган брифингда.
Унинг сўзларига кўра, миссия кузатувчилари Қозоғистоннинг сайлов қонунчилиги, сайловга оид конституциявий қонунчилиги, тегишли кодексларни ўрганган.
«Сайлов куни МДҲнинг 8 давлатидан 174 нафар кузатувчи ишламоқда. Миссия таркибига МДҲ давлатларининг таниқли парламент аъзолари, Марказий сайлов комиссиялари раҳбарлари, жамоат арбоблари, МДҲ Ижроия қўмитаси ходимлари, МДҲ Парламент Ассамблеяси аъзолари киради.
Муаллиф: Марлан Жиембай
