Сауль Альварес тўртинчи бор мутлақ жаҳон чемпиони унвонини ҳимоя қилди

ASTANA. Kazinform – Мексикалик профессионал боксчи Сауль “Канело” Альварес 76,2 кг вазнда профессионал боксчилар ўртасида мутлақ жаҳон чемпиони унвонини ҳимоя қилди.

Prosports.kz спорт порталининг хабар беришича, Лас-Вегасда (АҚШ, Невада) ўтказилган 12 раундлик жангда у ўз ҳамюрти Хайме Мунгуиани ҳакамлар қарори билан мағлуб этди – 117:110, 116:111, 115:112.

Шу тариқа, 33 ёшли Альварес 2021 йил ноябрида American Caleb Plant устидан қозонилган ғалаба эвазига қўлга киритган мутлақ жаҳон чемпиони унвонини тўртинчи бор ҳимоя қилди.

Шундан сўнг у Бутунжаҳон бокс кенгаши (WВC), Бутунжаҳон бокс ассоциацияси (WВА) ва Бутунжаҳон бокс ташкилоти (WВО) чемпионлик унвонларини ҳимоя қилди ва Халқаро бокс федерацияси (IBF) камарини қўлга киритди.

Эслатиб ўтамиз, аввалроқ “Интер Майами” жамоасининг аргентиналик ҳужумчиси Лионель Месси MLSнинг иккита янги рекордини ўрнатганини ёзган эдик.