Саудия Арабистонида маймун чечаги касаллигининг биринчи ҳолати қайд этилди

АR-RIAD. Кazinform - Саудия Арабистони пойтахти Ар-Риёдда хориждан келган одамда маймун чечаги билан касалланишнинг биринчи ҳолати аниқланди, дея хабар беради Kazinform Аlarabiya.Netга таяниб.

Соғлиқни сақлаш вазирлиги маълумотларига кўра, касалланган шахс ҳозирда шифокорлар назоратида ва тасдиқланган тиббий тартибларга мувофиқ даволанмоқда.

Бемор билан алоқада бўлганлар маймун чечаги учун синовдан ўтказилди ва уларнинг тестлари манфий чиқди. Бемор билан яқин алоқада бўлганларнинг ҳеч бирида аломатлар йўқ эди.

Расмийлар, шунингдек, ҳар қандай кейинги воқеаларга яхши тайёрланганликларини айтишди ва жамоатчиликни, айниқса саёҳат пайтида тиббий кўрсатмаларга риоя қилишга чақиришди.

Маймун чечаги вирусли касаллик бўлиб, гриппга ўхшаш аломатлар ва тери касалликларини келтириб чиқаради. Чечак вирусига жуда ўхшаш, кўп йиллар давомида у асосан Африка қитъасида қайд этилган, аммо сўнгги ойларда у Европа ва АҚШга тарқалди. Касаллик кўпинча икки ҳафтадан бир ойгача давом этади ва ўлимга олиб келиши мумкин.

Фото: english.аlarabiya.net