Саудия Арабистони компанияси Ўзбекистонда электр энергиясини сақлаш тизимларини қуради
TASHKENT. Kazinform – Ўзбекистон Республикаси Энергетика вазирлиги ва Саудиянинг ACWA Power компанияси Боку шаҳрида бўлиб ўтган CОР29 конференцияси доирасида Ўзбекистонда электр энергиясини сақлаш тизимларини қуриш бўйича шартнома имзолади, деб хабар беради Kazinform ахборот агентлигининг Тошкентдаги мухбири Алихан Асқар.
Битимни имзолаш маросимида Ўзбекистон томонидан энергетика вазири Жўрабек Мирзамахмудов ва “Ўзэнергосотиш” давлат компанияси бошқаруви раиси Жаҳонгир Обиджонов иштирок этди.
“Режалаштирилган электр энергиясини сақлаш тизимларининг қуввати 2 ГВтни ташкил этади, лойиҳа қиймати эса 1,1 миллиард долларга баҳоланмоқда”, — дейилади Ўзбекистон Республикаси Энергетика вазирлиги хабарида.
Лойиҳа доирасида бутун республика бўйлаб энергетика тизимини ўрганиш ишлари олиб борилиб, унинг натижаларига кўра электр энергиясини сақлаш тизимларини босқичма-босқич жорий этиш режалаштирилган ҳудудлар танланади.
