Сариағашда уч эгизак дунёга келди

TÚRKİSTAN. Кazinform – Уч қизга Амина, Сабина ва Медина исмлари берилди.

Сариағашлик 38 ёшли кўп болали она Гулмира Даурбаева уч қизни дунёга келтирди. Чақалоқларнинг вазни 2 кг, 2 300 ва 1 900 грамм. Ҳозирда эрта туғилган чақалоқларнинг аҳволи барқарор. Қариндошлари уч эгизакларга Амина, Сабина ва Медина деб исм қўйишди.

“Биринчи марта уч эгизакни дунёга келтиришимни эшитганимда, жуда асабий эдим. 5 фарзандли бўлганимдан кейин фарзанд кўришни режалаштирмагандим. Шифокорга бориб, тўсатдан уч эгизакли бўлишимни эшитганимда, ўзимни бошқача ҳис қилдим”, – дейди Гулмира Даурбаева.

Сариағашлик она энди 8 нафар фарзанднинг онаси бўлди. Реанимация бўлими мутахассислари томонидан муддатидан олдин туғилган чақалоқларга алоҳида эътибор қаратилди.

Эслатиб ўтамиз, 2023 йилда 1-сонли вилоят перинатал марказида 158 нафар эгизак ва 2 нафар уч эгизак дунёга келган.