Самарқандда уч фарзандини ўлдирган ота умрбод қамоқ жазосига ҳукм қилинди

Судланувчи
Фото: видеодан кадр

Турмуш ўртоғи билан жанжаллашиб, 13, 12 ва 10 ёшли икки қиз ва бир ўғлини пичоқлаб ўлдирган 37 ёшли эркак умрбод қамоқ жазосига ҳукм қилинди, деб хабар беради Kazinform агентлиги yoshlar_tv Telegram-каналига таяниб

Самарқандда эркак Исроилда ишлаётган рафиқаси билан телефон орқали жанжаллашиб, 13, 12 ва 10 ёшли болаларни қасддан пичоқлаб ўлдириб, ўз жонига қасд қилишга уринган.

Унга нисбатан Ўзбекистон Республикаси Жиноят кодексининг 97-моддаси (жиноятчига ночор аҳволда эканлиги маълум бўлган икки ёки ундан ортиқ шахсни қасддан ўлдириш)2-қисми “а, в” бандлари билан жиноят иши қўзғатилган.

Мазкур жиноят иши Жиноят ишлари бўйича Самарқанд шаҳар судида кўриб чиқилди. Иш материалларига кўра, ҳодиса содир бўлган вақтда эркак ҳеч қандай гиёҳванд моддалар таъсирида бўлмаган.

Суд ҳукмига кўра, судланувчи Ўзбекистон Республикаси Жиноят кодексининг 97-моддаси (икки ёки ундан ортиқ шахсни қасддан ўлдириш, айбдорга ночор аҳволда эканлиги маълум бўлган, ўта шафқатсизлик билан содир этилган бўлса)2-қисмининг "а, c, г" бандларида назарда тутилган жиноятни содир этганликда айбдор деб топилди ва умрбод қамоқ жазосига ҳукм қилинди.

 

Сўнгги хабарлар
telegram