Сальвадор Техасда биткоин элчихонасини очди

WASHINGTON. Кazinform – Марказий Американинг Сальвадор давлати АҚШнинг Техас штатида биткоиннинг иккинчи элчихонасини очмоқда, дея хабар беради Кazinform мухбири Crypto News сайтига таяниб.

Сальвадорнинг Америка Қўшма Штатлардаги элчиси Милена Майорганинг таъкидлашича, Сальвадор вакиллари Техас давлат котиби ўринбосари Жо Эспарза билан учрашиб, биткоин элчихонасини очиш, шунингдек, тижорат ва иқтисодий алмашинув лойиҳаларини кенгайтириш масалаларини муҳокама қилди.

Дипломат Техас ҳукуматининг аксарияти ушбу криптовалютани очиқ қўллаб-қувватлаётганини ва 2022 йилда Сальвадор ва Жанубий Америка давлати ўртасида 1 244 636 983 доллар миқдорида тижорат алмашинуви амалга оширилганини таъкидлади.

Сальвадор 2021 йил сентябрида биткоинни қонуний тўлов воситасига айлантирган дунёдаги биринчи суверен давлат сифатида тарихга кирди. Мамлакат биткоин билан таъминланган биринчи суверен қарз облигацияларини чиқарди ва криптовалютага асосланган лойиҳаларни амалга оширмоқда. Биринчи биткоин элчихонаси Швейцарияда 2022 йил октябр ойида очилган. Сальвадор Европа қитъасида биткойнни тарқатишга қаратилган Лугано шаҳри билан ўзаро англашув меморандумини имзолади.

Муаллиф: Рустем Қожибаев

Фото: finliners.com