Садир Жапаровнинг Японияга илк расмий ташрифи бошланди

Қирғизистон Республикаси Президенти Садир Жапаров Токио марказидаги Император саройига келди ва у ерда Япония Императори Нарухито ва рафиқаси Масако билан учрашади, дея хабар беради Kazinform Қирғизистон Республикаси президенти матбуот хизматига таяниб.

Саройга кираверишда давлат раҳбари ва биринчи хоним Ойгул Жапаровани император Нарухито ва рафиқаси Масако кутиб олди.

Ўзаро саломлашишдан сўнг Президент Садир Жапаров, биринчи хоним Ойгул Жапарова Япония императори ва рафиқаси билан биргаликда музокаралар хонасига кирдилар.

Император оиласи Садир Жапаровнинг Японияга ташрифи Қирғизистон-Япония икки томонлама муносабатларининг бутун мажмуасига ижобий таъсир кўрсатишига умид билдирди.

Садир Жапаров меҳмондўстлик учун миннатдорлик билдириб, Япония Қирғизистон учун бой тарихий анъаналар ва қадимий маданиятга эга бўлган дўст мамлакат эканини таъкидлади.

Қирғизистон Президенти императорга чуқур ҳурмат-эҳтиром изҳор этиб, унга «РЭЙВА»нинг янги даврида ҳам фаровонлик ва муваффақият тилади.