Руминияда президентлик сайловининг бекор қилинишига қарши норозилик намойиши бўлиб ўтди

ASTANA. Kazinform — Бухарестда намойишчилар президентлик сайловининг бекор қилинишига қарши норозилик билдиришди ва амалдаги давлат раҳбари Клаус Йоханнисни истеъфога чиқишга чақиришди, дея хабар беради Кazinform агентлиги DWга таяниб.

Руминияда президентлик сайловининг бекор қилинишига қарши норозилик намойиши бўлиб ўтди
Фото: Cristian Stefanescu / DW

Ўн минглаб одамлар 2024 йил ноябрида бўлиб ўтган президентлик сайловининг биринчи босқичи натижалари бекор қилинганига қарши норозилик намойиши ўтказди.

Йоханниснинг ваколати расман 21 декабрда тугади, бироқ у вориси номи аниқланмагунча ўз лавозимида қолади.

Аввалроқ, 6 декабрь куни Руминия Олий конституциявий суди миллий хавфсизлик хизматлари овоз беришлар ўта ўнгчи номзод Калин Георгеску фойдасига нотўғри ўтказилган бўлиши мумкинлиги ҳақида огоҳлантиргач, мамлакат президенти сайлови натижаларини бекор қилган эди.

Кейин маҳаллий разведка идоралари ижтимоий тармоқлардаги бир неча минг бот аккаунтлари номзод фойдасига ташвиқот олиб бориши мумкинлиги ҳақидаги ҳужжатларни чоп этди.

Эслатиб ўтамиз, К.Георгеску биринчи босқичда кутилмаганда ғалаба қозониб, иккинчи даврада Елена Ласкони билан беллашиши керак эди. Сайловнинг иккинчи босқичи якшанба кунига белгиланганди. Энди бу амалга ошмайди, дейилади баёнотда.

Сўнгги хабарлар