Руминия бош вазири Олимпиаданинг ёпилиш маросимига бойкот эълон қилмоқчи

ASTANA. Kazinform – Руминия бош вазири Марчел Чолаку Париждаги Олимпия ўйинларининг ёпилиш маросимини бойкот қилишни режалаштирмоқда. Унинг фикрича, ҳакамлар руминиялик гимнастикачиларга нисбатан адолатсиз бўлди, деб хабар беради ТАСС агентлиги.

“Гимнастика бўйича баҳсларга сабаб бўлган воқеа туфайли Париж Олимпиадасининг ёпилиш маросимида қатнашмасликка қарор қилдим. Руминиялик гимнастикачиларга нисбатан чиқарилган қарор адолатсиздир”, – деб ёзди у Facebookдаги саҳифасида.

Чолакунинг сўзларига кўра, ушбу мусобақани ташкил этиш тизимида камчиликлар бор.

“На мураббийлар, на етакчи техниклар тушунмайдиган норозилик асосида ҳалол тер билан орттирилган медални бермасликни ақлга сиғдириб бўлмайди”, – деди у.

У руминиялик гимнастикачиларга мамлакати уларни Олимпиада медали совриндорлари деб билишини айтди.

Руминиялик гимнастикачи Ана Бэрбосу душанба куни бронза медали соҳиби деб эълон қилинди, бироқ америкалик рақиб мусобақани тарк этганидан кейин ҳакамлар қарорини бекор қилди. Натижада руминиялик спортчи 4-ўринга тушиб кетди. Америкалик спортчи Жордан Чайлз бронза медалига сазовор бўлди. Ҳакамлар яна бир руминиялик гимнастикачи Сабрина Манеcа-Войня “гилам четига чиқди” деган қарорга келди. Бироқ, спортчининг норозилигига қарамай, қарор ўзгаришсиз қолди, руминиялик спортчи 5-ўринни эгаллади.