Россиянинг Оренбург шаҳрида бир кунда яна 800 та уй ва 1800 та томорқа сув остида қолди
ASTANA. Kazinform – Оренбург шаҳрида сўнгги бир кун ичида яна 800 та уй ва 1,8 минг фермер хўжалиги томорқасини сув босди. Шаҳарда жами 3 мингта уй ва 8 мингта хўжалик томорқаси сув остида қолди, деб хабар беради TASS ахборот агентлиги.
Бу ҳақда журналистларга шаҳар диспетчерлик маркази директори Александр Сиса маълум қилди.
“Бир кунда 1800 та уй яқинидаги томорқа ва 800 та уйни сув босган, жами 8000 та томорқа ва 3000 та уй сув остида қолган”Б – деди у.
Донгузская ва Уральская кўчаларини сув босганлиги сабабли аҳолини эвакуация қилиш учун йўл ҳаракати полицияси ва фавқулодда хизмат машиналари жўнатилди. "Гранд Парк" турар жой мажмуаси ҳам сув остида қолган, Потехин ва Уральская кўчалари бўйлаб сув кўп қаватли уйларга яқинлашган. Яна 55 киши эвакуация қилинган, улардан 183 нафари вақтинчалик жойлаштириш пунктларига етказилган.
Агентлик маълумотларига кўра, Оренбургнинг Урал дарёси участкасида сув Беляевская кўчасига етиб келган ва у ердаги ўтиш жойи ёпилган. Ушбу кўча ҳудудидаги омбор ва дўконларни сув босиб, хусусий секторга етиб келган. Шунингдек, Беляевская кўчасидаги «Медик» боғдорчилик ширкати сув остида қолган. Боғдорчилик жамияти ва Беляевская кўчалари орасидаги бўш жой сув остида қолган. Оренбургнинг бу қисмига марказдан ва бошқа кичик ҳудудлардан ҳозир фақат Оренбург тумани ҳудудидан ўтувчи ҳалқа йўли бўйлаб бориш мумкин.
Вилоят ҳокимлиги матбуот хизматининг хабар беришича, 13 апрель ҳолатига кўра, 25 боғдорчилик кооперативи, Заречний, “Гранд Парк” кичик туманлари, Кузнечний, Куйбишев, “Дубки” турар-жой мажмуалари газдан узилган. 64 боғдорчилик кооперативи, Кузнечний тумани, бошқа бир қатор қишлоқ ва туманлар, кўчалар электр энергиясиз қолди. Шафеев кўчасидаги “Орентрикотаж” қозонхонаси ускунанинг сув босиши сабабли ўчирилган.
Эслатиб ўтамиз, Оренбург вилоятида сув тошқинлари Урал дарёси бўйлаб қуйилиб, қатор аҳоли пунктларини, жумладан, Қозоғистонни сув босиши хавфини туғдирмоқда.
