Россиядан Қозоғистонга гудрон етказиб бериш йилига 430 минг тоннага ошади

NUR-SULTAN. Kazinform - Битум ишлаб чиқаришни кўпайтириш мақсадида Россия Федерациясидан Қозоғистон Республикасига гудрон етказиб бериш ҳажмини ошириш бўйича келишувларга эришилди, дея хабар беради Kazinform ҚР Энергетика вазирлиги матбуот хизматига таяниб.

18 июл куни икки давлат Энергетика вазирликлари Россия Федерациясидан Қозоғистон Республикасига олиб чиқиш тақиқланган ёки чекланган нефть маҳсулотлари рўйхатини тасдиқлаш тўғрисидаги икки идора ўртасидаги 2019 йил 6 майдан бошлаб Қозоғистон Республикасидан Евроосиё иқтисодий иттифоқи божхона ҳудудидан ташқарига олиб чиқиш тақиқланган ёки чекланган маҳсулотлар тўғрисидаги баённомага ўзгартиришлар киритиш тўғрисидаги протоколни имзоладилар.

Баённомани имзолашдан мақсад Россиядан Қозоғистонга гудрон етказиб бериш учун квотани йилига 430,0 минг тоннагача ошириш, шунингдек, «ЦЭНКИ»- «Южний» космик маркази АЖ филиали эҳтиёжларини қондириш учун автобензин етказиб бериш квотани оширишдан иборат. Эришилган келишувлар томонлар томонидан баённома имзоланган кундан бошлаб қўлланилади.

Баённома Қозоғистон Республикаси Энергетика вазирлиги сайтида эълон қилинган.

Фото: gov.kz