Россияда шаурма учун сифат белгисини жорий этиш таклиф қилинди

Роспотребнадзор шаурма учун сифат белгисини жорий этиш ташаббусини кўриб чиқмоқда, деб хабар беради Kazinform ТАSSга таяниб

Аввалроқ Дума спикери ўринбосари Владислав Даванков Роспотребнадзорга шаурма тайёрлаш стандартини нашр этишни таклиф қилган эди.

Владислав Даванков Роспотребнадзор раҳбари Анна Поповага мурожаат юборди, унда агентлик веб-сайтида "шаурманинг мос ва уйғун таркиби" бўйича тавсияларни нашр этишни таклиф қилди.

Даванков мактубда шаурма тез тайёрланиши, арзонлиги ва юқори калориялилиги туфайли Россияда кўча таомларининг энг машҳур тури эканлигини таъкидлаган.

Аввалроқ Москвада "Шаурма Тандир" озиқ-овқат шохобчаси ташриф буюрувчи заҳарлангани сабабли ёпилган, шунингдек, Москвада "Бистро-24"да 53 киши шаурма ва товуқ грилидан заҳарлангани ҳақида хабар берилган эди.