Россияда шахсий самолёт қулаши оқибатида 10 киши ҳалок бўлди

МОSKVА. Кazinform - Тверь вилоятида Embraer бизнес-жети ҳалокатга учради, бортдагиларнинг барчаси ҳалок бўлди. Бу ҳақда ТАСС агентлигига Россия Фавқулодда вазиятлар вазирлиги матбуот хизмати маълум қилди, дея хабар беради Kazinform.

«Embraer самолёти Шереметьеводан Санкт-Петербургга учаётган эди. Самолётда уч учувчи ва етти нафар йўловчи бўлган. Уларнинг барчаси ҳалок бўлди», — дейилади хабарда.

Воқеа Куженкино қишлоғи яқинида содир бўлган.

ТАСС агентлигига фавқулодда хизматлар тўрт кишининг жасади топилганини маълум қилди. Шунингдек, самолёт ерга урилганда ёниб кетгани, учганига ярим соат ҳам бўлмагани айтилган.

Бологовск тумани ягона навбатчи-диспетчерлик хизмати маълумотларига кўра, фавқулодда ҳодиса қурбонлари ҳақида маълумот йўқ.

«Йўл-транспорт ҳодисаси М-10 трассасидан унча узоқ бўлмаган жойда, Куженкино қишлоғидаги ташландиқ фермадан икки километр узоқликда содир бўлган», — дея қўшимча қилди агентлик.

Федерал авиация бошқармаси ҳалокат юзасидан текширув бошлади.