Россияда рақамли рубль тўғрисидаги қонун кучга кирди

МОSKVA. ТАSS-Кazinform - 1 август куни Россияда рақамли рубль тўғрисидаги қонун кучга кирди ва биринчи синов операциялари худди шу ойда бошланади. Президент Владимир Путин имзолаган ҳужжат ҳуқуқий ахборот расмий порталида эълон қилинди, деб хабар беради Kazinform ТАSSга таяниб.

Россия банки 2023 йил август ойида рақамли рублни реал транзакциялар ва чекланган миқдордаги мижозлар учун синовдан ўтказишни бошлашни режалаштираётганини маълум қилди. Банк ходимлари тестда қатнашадиган биринчи мижозлар бўлади.

Синовда 13 та банк иштирок этади. Тажриба давомида иштирокчилар рақамли ҳамёнларни очиш ва ёпиш, уларни тўлдириш ва жисмоний шахслар ўртасида ўтказиш, шунингдек QR-код ёрдамида рақамли рублда товарлар ва хизматлар учун тўловни синовдан ўтказади. Биринчи босқичда тўловлар аввалдан банклар ва Марказий банк томонидан танлаб олинган 11 шаҳардаги 30 та савдо ва хизмат кўрсатиш корхонаси томонидан синовдан ўтказилади.

Келажакда рақамли рублни жорий этиш босқичма-босқич кенгайтирилади. Марказий банкнинг режаларига кўра, миқёслаш 2025 йил бошидан амалга оширилади.