Россияда мактаб ўқувчиларига синфда мобил телефондан фойдаланиш тақиқланди

None
None
МОSKVA. Kazinform - Жорий ўқув йилидан бошлаб россиялик мактаб ўқувчиларига дарсда мобил телефондан фойдаланиш тақиқланади. Бу ҳақда Россия Федерацияси Таълим вазири Сергей Кравцов IХ Бутунроссия ота-оналар йиғилишида маълум қилди, дея хабар беради Kazinform мухбири.

– Дарсларга келсак, янги санитария қоидаларига кўра, жорий ўқув йилидан бошлаб дарсларимизда мобил телефонлардан фойдаланиш тақиқланганини алоҳида таъкидлайман. Мобил телефонлар мактаб ўқувчиларини дарсдан чалғитмаслиги учун», - деди вазир онлайн-конференция давомида.

«Агар фавқулодда вазиятлар бўлса, эсда тутинг, биз ҳам ўрганганмиз. Бизда мобил телефонлар йўқ эди. Мактабда масъул шахс бор, агар бирон бир фавқулодда вазият бўлса, ота-оналар албатта қўнғироқ қилишади ва айтишади. Ўқитувчи, синф раҳбари бор, танаффус пайтида сиз мактаб ўқувчилари билан суҳбатлашишингиз мумкин. Аммо синфда, санитария қоидаларига кўра, уяли телефондан фойдаланиш мумкин эмас», — деди С.Кравцов.

Шунингдек, у мобил телефонлардан фойдаланиш болалар саломатлигига салбий таъсир кўрсатишини, бу ота-оналар ва ўқитувчилар томонидан ҳам эътиборга олиниши кераклигини қўшимча қилди.

Фото: media.rbcdn.ру

Муаллиф: Наримбек Исмағулов


Сўнгги хабарлар