Россияда коронавирусга қарши қайта эмлаш бошланди

MOSKVA. TASS - Kazinform - Россия ҳудудларида коронавирус инфекциясига қарши қайта эмлаш, шунингдек, COVID-19 билан касалланиб соғайган беморларни эмлаш бошланди. Бу ҳақда Россия Федерацияси Соғлиқни сақлаш вазирлиги матбуот хизмати маълум қилди, деб ёзади Kazinform ТАССга асосланиб.

«Россия Соғлиқни сақлаш вазирлиги катталарни COVID-19га қарши эмлаш жараёни бўйича вақтинчалик кўрсатмаларни тасдиқлади. Ҳудудларда касалларни қайта тиклаш ва эмлаш ишлари бошланди», - дейилади хабарда.

Тавсияларга кўра, фуқаролар мамлакатда рўйхатдан ўтган ҳар қандай вакцина билан эмланиши мумкин. Аммо, агар биринчи дозадан кейин беморда ножўя таъсирлар пайдо бўлса, ўз хоҳишига кўра вакцинани ўзгартириш мумкин.

Россияда касаллик бошланганидан олти ой ўтгач, жамоавий иммунитет талаб даражасида шаклланмагунча, қайта эмлаш ёки эмлаш тавсия этилиши таъкидланди. Ушбу босқич «шошилинч эмлаш» деб номланади. Мақсад қилинган коллектив иммунитет даражасига эришилгач, «оддий эмлаш»га ўтилади.