Россияда коронавирус инфекциясига қарши яна бир вакцина ишлаб чиқарилди

NUR-SULTAN. Kazinform - Россияда коронавирус инфекциясига қарши яна бир вакцина ишлаб чиқарилди, деб хабар беради Kazinform Қозоғистонда COVID-19 тарқалишининг олдини олиш бўйича идоралараро комиссиясининг Telegram- каналига таяниб.

Роспотребнадзор раҳбари Анна Попова COVID-19га қарши бешинчи вакцина пайдо бўлганини эълон қилди. Новосибирскдаги «Вектор» тадқиқот маркази «Эпиваккорон-Н» COVID-19 вакцинасини рўйхатдан ўтказиш учун ҳужжатларни топширди. Дори воситаси тез орада рўйхатга олиниши кутилмоқда.

Ҳозирги вақтда Россияда «Спутник V», «ЭпиВакКорона», «КовиВак» ва қайта эмлаш учун тавсия этиладиган «Спутник Light» вакциналари қўлланилади.