Россияда қаровсиз қолиб кетган 31 нафар бола Ўзбекистонга олиб келинди

TASHKENT. Kazinform - Россиянинг Санкт-Петербург, Москва, Новосибирск ва Қозон шаҳарларида қаровсиз қолиб кетган 31 нафар бола Ўзбекистонга қайтарилди, деб хабар беради Kazinform gazeta.uzга таяниб.

Шу кунларда Россиянинг турли ҳудудларида қаровсиз қолиб кетган 31 нафар бола Ўзбекистонга қайтарилди, деб хабар беради Олий Мажлиснинг бола ҳуқуқлари бўйича вакили — болалар омбудсмани идораси.

Жумладан, 25 августда 9 нафар бола, бундан аввал эса 22 нафар бола (13 нафари — Санкт-Петербург шаҳридан, 9 нафари — Москва шаҳридан, 8 нафари — Новосибирск шаҳридан, 1 нафари — Қозон шаҳридан олиб келинган) Ички ишлар вазирлиги вакиллари томонидан ватанга қайтарилди.