Россияда 8 та вагон рельсдан чиқиб кетди: жароҳатланганлар бор

ASTANA. Kazinform - Россиянинг Волгоград вилоятида йўловчи поездининг 8 та вагони рельсдан чиқиб кетди. Дастлабки маълумотларга кўра, воқеа бахтсиз ҳодиса натижасида содир бўлган, деб ёзади Kazinform агентлиги TASSга таяниб.

Оператив хизматлар жабрланганлар борлигини хабар қилмоқда.

- Дастлабки маълумотларга кўра, ЙТҲ туфайли Қозон-Адлер поездининг саккиз вагони рельсдан чиқиб кетган, уларнинг бир қисми ағдарилган. Жароҳатланган одамлар бор. Уларнинг аниқ сони ҳозир аниқланмоқда, — деди агентлик суҳбатдоши.

Унинг сўзларига кўра, йўловчилар вагонлардан ўзлари тушган. Воқеа жойида барча фавқулодда хизматлар ишламоқда. Жабрланганларга жойида тиббий ёрдам кўрсатилади ёки шифохоналарга етказилади.

Воқеа ҳақидаги маълумотни Россия темир йўллари ҳам тасдиқлаган.

 

ТАСС ҳамкор агентлиги томонидан Кazinform учун махсус тақдим этилган.