Россия коронавирус вакцинасини дунёда биринчи бўлиб рўйхатдан ўтказди

NOVO-OGAREVO. TASS - Kazinform – Россия Президенти Владимир Путин ҳукумат аъзолари билан учрашувда Россия дунёда биринчи бўлиб коронавирус инфекциясига қарши вакцинани рўйхатдан ўтказганлигини маълум қилди, хабар беради Kazinform ТАССга асосланиб.

«Билишимча, бугун эрталаб дунёда янги коронавирус инфекциясига қарши биринчи вакцина рўйхатга олинди», - деди Россия президенти.

В.Путин Соғлиқни сақлаш вазири Михаил Мурашкодан қўшимча тафсилотларни сўради.

Аввалроқ, М.Мурашко РФ Соғлиқни сақлаш вазирлиги қошидаги Н.Ф.Гамалея номидаги миллий эпидемиология ва микробиология илмий маркази томонидан ишлаб чиқарилган вакцина клиник синовдан ўтказилганини маълум қилганди.

В.Путин таъкидлаганидек, Россияда рўйхатга олинган коронавирус вакциналарини оммавий ишлаб чиқариш яқин келажакда бошланиши керак. Аммо эмлаш ихтиёрий бўлади.