Россия Федерацияси Президенти расмий ташриф билан Мўғулистонга борди
ASTANA. Kazinform – Россия Федерацияси Президенти Владимир Путин 2024 йил 2 сентябрь куни расмий ташриф билан Мўғулистонга борди. Бу ҳақда Мўғулистоннинг МОНЦАМЭ ахборот агентлиги ёзди.
Россия Федерацияси Президенти ва унга ҳамроҳ бўлган делегацияни «Буянт-Ухаа» халқаро аэропортида Мўғулистон ташқи ишлар вазири Батмунхийн Батцэцэг, Россия Федерациясининг Мўғулистондаги Фавқулодда ва Мухтор элчиси Алексей Евсиков ва бошқа расмий шахслар кутиб олди.
Ташриф доирасида Президент Ухнаагийн Хурэлсух ва Президент Владимир Путин расмий музокаралар ўтказади, икки томонлама муносабатлар ва ҳамкорликни янада ривожлантириш истиқболлари юзасидан фикр алмашади, икки томонлама ҳужжатларни имзолаш маросимида иштирок этади.
Расмий музокаралар якунида икки давлат раҳбарлари оммавий ахборот воситалари вакиллари учун қўшма брифинг ўтказади.
2019 йилда Мўғулистон ва Россия Федерацияси ўртасида “Дўстлик муносабатлари ва ҳар томонлама стратегик шериклик тўғрисида битим” имзоланди.
Мўғулистон ва Россия Федерацияси ўртасида 1921 йил 5 ноябрда дипломатик муносабатлар ўрнатилди, 1922 йилда Улан-Батор ва Москвада элчихоналар очилди.
