Роналду 20 йил ичида биринчи марта «Олтин тўп» соврини учун номзодлар рўйхатига киритилмади

ASTANA. Kazinform – France Football журнали «Олтин тўп» соврини учун 30 нафар номзод рўйхатини эълон қилди. Машҳур португалиялик Криштиану Роналду сўнгги 20 йил ичида биринчи марта номзодлар рўйхатида йўқ, деб хабар беради Kazinform.

Айни пайтда «Ал-Наср» клубида тўп сураётган 38 ёшли машҳур футболчи беш марта: 2008, 2013, 2014, 2016, 2017 йилларда «Олтин тўп»ни қўлга киритган.

Эслатиб ўтамиз, «Олтин тўп» Лионель Мессида кўпроқ. Аргентиналик футболчи бу совринни етти марта қўлга киритган. У бу йил мукофотга асосий даъвогарлар рўйхатига киритилган.

«Олтин тўп»ни тақдирлаш маросими 30 октябрь куни бўлиб ўтади.