Ролан Гаррос турнири: Елена Рибакина бошчилигидаги қозоғистонлик теннисчиларнинг рақиблари аниқланди
ASTANA. Kazinform – Парижда бўлиб ўтадиган Франция очиқ чемпионатида қозоғистоннинг биринчи, жаҳоннинг 4-ракеткаси Елена Рибакина бошчилигидаги қозоғистонлик теннисчиларнинг рақиблари аниқланди.

Е. Рибакина биринчи босқичда дунё рейтингида 86-ўринни эгаллаб турган бельгиялик Гретье Миннен билан куч синашади.
Бунгача икки теннисчи 2020 йилги Австралия очиқ чемпионатида ва Страсбургда (Франция) ўзаро тўқнаш келишган ва иккаласида ҳам Рибакина ғалаба қозонган.
Ўтган йили Е. Рибакина “Ролан Гаррос” турнирининг учинчи босқичига қадар етиб борган, кейин эса соғлиғи сабабли испаниялик Сара Соррибес-Тормо билан рақобатлашишдан бош тортган эди.
Яна бир қозоғистонлик, дунё рейтингида 37-ўринни эгаллаб турган Юлия Путинцева рейтингда 35-ўринни эгаллаб турган америкалик, 2017 йилги АҚШ чемпионати ғолиби Слоан Стивенс билан беллашади. Бу йил Ю.Путинцева Римдаги WТА 1000 мусобақасида С.Стивенсни 6:3, 6:2 ҳисобида мағлуб этди.
Эркаклар ўртасида қозоғистоннинг биринчи, дунёнинг 19-ракеткаси Александр Бублик илк босқичда саралаш баҳслари ғолибларидан бири билан баҳс олиб боради.
Дунёнинг 61-ракеткаси Александр Шевченко 82-ўриндаги россиялик Аслан Карацевдан ўтишга ҳаракат қилади.
Яна бир қозоғистонлик Михаил Кукушкин саралаш финалида италиялик Франческо Маэстрелли устидан ғалаба қозонса, асосий мусобақага қўшилади.
Анна Данилина ва Александр Недовесов ҳам “Ролан Гаррос”нинг жуфтлик баҳсларида иштирок этади.
Франция очиқ чемпионати 26 май куни бошланади ва 9 июнь куни якунланади.
Эслатиб ўтамиз, аввалроқ Тимофей Скатов Германиядаги мусобақада ярим финалга чиққани ҳақида ёзган эдик.
Александр Бублик Франциядаги мусобақанинг ярим финалида иштирок этади.
Анна Данилина Марокашдаги турнирнинг финал босқичига йўлланма олди.