Риота Муратага яна бир қозоғистонлик боксчи билан жанг қилиш таклиф қилинди
NUR-SULTAN. Kazinform – Япониянинг Boxing Cafe нашри Риота Муратанинг (16-3, 13 КО) Геннадий Головкиндан (42-1-1, 37 КО) мағлубиятга учрагандан кейинги истиқболлари ҳақида ўз фикри билан ўртоқлашди, дея хабар беради Kazinform Sports.kzга таяниб.
Нашрнинг ёзишича, Мурата яна бир қозоғистонлик боксчи Жанибек Алимханули (11-0, 7 КО) билан жанг ўтказиши мумкин.
«Мурата жаҳон чемпиони унвонидан маҳрум бўлганидан бери, у тўхтаб қолмай, дунёнинг энг зўр боксчилари билан учрашув ташкил этишига умид қилайлик. Головкин ёки Канело бўлмаса-да, ўрта вазн тоифасида кучли боксчилар кўп. Кичик Крис Юбанк, Хайме Мунгуиа, Жанибек Алимханули, Эскива Фалькао. Албатта, Мурата учун мотивацияни сақлаб қолиш осон бўлмайди», - деб ёзади газета.
Эслатиб ўтамиз, 9 апрел куни Геннадий Головкин япониялик рақиби Муратани мағлуб этгани ҳақида ёзган эдик.
