Ўрим-йиғим учун ажратилган дизель ёқилғиси нархи 15 фоизга арзон – ҚР Қишлоқ хўжалиги вазии

ASTANА. Кazinform – Ўрим-йиғимга 426 минг тонна арзонлаштирилган дизель ёқилғиси ажратилди. Бу ҳақда ҚР Қишлоқ хўжалиги вазири Ербол Қарашўкеев Ҳукумат йиғилишида маълум қилди, дея хабар беради Кazinform мухбири.

«Қишлоқ хўжалиги ишлаб чиқарувчиларига ҳосилни ўз вақтида йиғиб олиш учун 426 минг тонна арзонлаштирилган дизель ёқилғиси ажратилди. Уларнинг 58 минг тоннаси озуқа тайёрлаш ишларини олиб бориш учун берилди. Бу ҳажмдаги дизель ёқилғиси Энергетика вазирлиги томонидан келишилган ва тасдиқланган. Барча харажатларни ҳисобга олган ҳолда, қишлоқ хўжалиги маҳсулотлари ишлаб чиқарувчилар учун ўртача нарх литри учун 250 тенгени ташкил этади, бу бозор нархидан 15 фоизга арзон», — дея таъкидлади Ербол Қарашўкеев.

Эслатиб ўтамиз, жорий йилда Қозоғистонда 24 миллион гектар майдондан қишлоқ хўжалиги экинлари йиғиб олинади.

Муаллиф: Алихан Асқар