РФ МСК Путинни президентлик сайловида номзод сифатида рўйхатга олди
ASTANA. Kazinform - Россия Федерацияси Марказий сайлов комиссияси (МСК) Россия Федерацияси президентлигига ўзини ўзи кўрсатган номзод, амалдаги давлат раҳбари Владимир Путинни рўйхатга олди. Бу ҳақда Kazinform агентлиги TASSга таяниб хабар беради.
Путин президентлик сайловида рўйхатга олинган тўртинчи номзод бўлди, аввалроқ Марказий сайлов комиссияси парламентдаги учта партия – Леонид Слуцкий (ЛДПР), Владислав Даванков («Новые люди») ва Николай Харитонов (Россия Федерацияси Коммунистик партияси) вакилларини рўйхатга олган эди.
Путин учун бўлажак сайлов унинг сиёсий фаолиятидаги бешинчи сайлови бўлади, бунгача у тўрт марта (2000, 2004, 2012, 2018) давлат раҳбари этиб сайланган, энг яхши натижа 2018 йилда кўрсатилган, ўшанда у 76,69 фоиз овоз олган.
