Регби бўйича Олимпия ўйинлари чемпиони жамоадошини тишлаб олди

ASTANA. Kazinform – Франциялик «Биарриц» регби жамоаси ўйинчиси, 2016 йилги Олимпиада чемпиони Масивси Дакувака жамоадошини тишлагани учун жамоадан четлатилди. Бу ҳақда Report хабар берди.

Воқеа кўнгилочар тадбир вақтида содир бўлган. Гувоҳларнинг сўзларига кўра, жамоанинг бир неча ўйинчиси ўртасида пул масаласида келишмовчилик бўлган. Ҳодисага аралашмоқчи бўлган ҳамкасби жароҳат олиб, шифохонага етказилган. Жабрланувчининг юзи 20 жойидан тикилган.

Дакувака содир бўлган воқеадан афсусда эканлигини айтди. Аммо у ўз ҳаракатларини тушунтира олмади. Ушбу воқеа туфайли клубдан четлаштирилган 30 ёшли спортчи май ойида суд олдида жавоб беради.