Рецессия хавфи туфайли нефт нархи 3 фоизга арзонлашди

AMMAN. Kazinform - Чоршанба куни нефт нархи сармоядорларнинг жаҳон иқтисодиётининг заифлашуви, жумладан, молиявий регуляторлар томонидан фоиз ставкаларининг кўтарилиши ва Хитойда коронавирус чекловларини кучайтириши ҳақидаги хавотирлари туфайли янада пасайди, дея хабар беради Kazinform Reuters агентлигига таяниб.

Brent нефтининг октябр фючерслари чоршанба куни бир баррел учун 3,56 долларга тушиб, 95,75 долларни ташкил қилди.

Бир кун аввал ушбу марканинг нархи 5,78 долларга арзонлашганди.

Шу билан бирга, ноябр ойидаги энг фаол фючерслар 2,70 долларга ёки 2,76 фоизга арзонлашди ва бир баррел учун 95,14 долларни ташкил қилди.

АҚШнинг West Texas Intermediate (WTI) нефти фючерслари ўтган сессияда рецессия хавфи туфайли, бир баррел учун 2,58 доллар ёки 2,82 фоизга арзонлашди, бир баррел учун 89,06 долларгача пасайди.

Нархларнинг пасайиши сабаблари глобал рецессия таҳдиди билан боғлиқ, чунки марказий банклар фоиз ставкаларини агрессив равишда оширмоқда.

Август ойида Хитойнинг ишлаб чиқариш фаоллиги пасайишда давом этди.

Бунга COVID-19 инфекциясининг янги ҳолатлари, сўнгги ўн йилликлардаги энг кучли иссиқлик тўлқини ва кўчмас мулк инқирози сабаб бўлди.

Бу омиллар ишлаб чиқаришга ўз таъсирини ўтказди, демак, мамлакат иқтисоди ўз суръатларини сақлаб қолиш учун курашишга мажбур бўлади.

Фото: reuters.com