Рақамли тенгенинг афзалликлари нимада

Рақамли тенгенинг афзалликларидан бири шундаки, у интернетсиз ишлайди. Яъни, у шаҳарда ҳам, қишлоқда ҳам мавжуд бўлади. Бу ҳақда иқтисодчи Мақсат Халиқ Қозоғистон молиячиларининг XI конгрессида маълум қилди, деб хабар беради Kazinform мухбири.

Экспертнинг фикрича, рақамли тенге ҳисоб-китобнинг учинчи шакли бўлади. Нақд пул билан ҳам, нақд пулсиз ҳам фойдаланиш мумкин.

“Рақамли тенге - ўз вақтида жорий этилмоқда. Чунки, қўшни гигант давлатларда жорий этилмоқда. Хусусан, Хитой ва Россияда. Биз бу борада ортда қолмаслигимиз керак. Шунинг учун ҳам ўз вақтида олинган деб ўйлайман. Афзалликларига келсак, бу биринчи навбатда яширин иқтисодиёт улушини камайтиришга хизмат қилади. Сабаби, бизда нақд пул билан яширин иқтисодиёт мавжуд. Пул муомаласи рақамлаштирилганлиги сабабли иқтисодиётда молиянинг шаффофлиги ва софлиги таъминланади. Давлат харидлари рақамли тенге ёрдамида амалга оширилса, шаффофликни таъминлайди. Шунингдек, давлатда рақамли тенге ёрдамида махсус тўлов амалга оширилади. Унинг афзаллиги шундаки, пул талон-тарож қилинмайди. Бу киберхавфсизликка ҳам таъсир қилади”, - дейди Мақсат Халиқ.

Яъни, рақамли валюта билан интернет-эквайринг мобил иловаси орқали пост-терминаллари ва QR-кодлар ёрдамида тўловларни амалга оширишингиз мумкин.

“Яна бир афзаллиги шундаки, ундан интернетсиз ҳам фойдаланиш мумкин. Яъни, у шаҳарда ҳам, қишлоқда ҳам мавжуд бўлади. Биз ҳар куни фойдаланадиган тўлов тизимларига нисбатан рақамли тенге бир вақтнинг ўзида бир нечта транзакцияларни ҳатто интернетсиз ҳам амалга ошириш имконини беради”, - дейди у.

Эслатиб ўтамиз, аввалроқ Қозоғистон молиячилари конгрессида “Рақамли тенге” лойиҳаси ишга туширилгани ҳақида хабар берган эдик.

Муаллиф: Алма Муқанова