Раҳмонов иштирокидаги UFC 296 турнирининг асосий карди эълон қилинди

Дунёдаги энг нуфузли UFC промоушни 16 декабрдан 17 декабрга ўтар кечаси Лас-Вегасда (Невада, АҚШ) бўлиб ўтадиган UFC 296 турнирининг асосий кардини эълон қилди. Бу ҳақда Kazinform агентлиги Sports.kzга таяниб хабар беради.

Турнирнинг асосий жангида ярим ўрта вазн тоифаси (77 кг гача) чемпиони британиялик Леон Эдвардс америкалик Колби Ковингтонга қарши ўз чемпионлик унвонини ҳимоя қилади. Яна бир жангда энг енгил вазн тоифасидаги (57 кггача) чемпионлик унвони соҳиби бразилиялик Алешандре Пантожа америкалик Брэндон Ройвал билан учрашади. Шунингдек, қозоғистонлик Шавкат Раҳмонов америкалик Стивен Томпсон билан жанг қилади.

Турнирнинг асосий карди қуйидагича:

Леон Эдвардс (Буюк Британия) - Колби Ковингтон (АҚШ);

Алешандре Пантожа (Бразилия) - Брэндон Ройвал (АҚШ);

Шавкат Раҳмонов (Қозоғистон) – Стивен Томпсон (АҚШ);

Тони Фергюсон (АҚШ) - Пэдди Пимблетт (Буюк Британия);

Висенте Луке (Бразилия) - Иэн Гэрри (Ирландия).

​