Qazaq Air авиакомпаниясига Ўзбекистонга парвоз қилишга рухсат берилди

TASHKENT. Kazinform – Қозоғистонлик Qazaq Air компанияси Ўзбекистонга мунтазам рейсларни амалга оширишга рухсат олди. Бу ҳақда «Ўзавиация» агентлиги хабар берди.

Ўзбекистон ва Қозоғистон ўртасида ҳаво қатнови тўғрисидаги ҳукуматлараро битимга асосан 2024 йил 13 мартда «Ўзавиация» агентлиги томонидан Qazaq Air авиакомпаниясига Ўзбекистонга Туркистон - Самарқанд – Туркистон йўналишида мунтазам авиақатновларини амалга ошириш рухсатномаси расмийлаштириб берилди.

Парвозлар DHC-8-402 ҳаво кемасида амалга оширилади.