Путин ШҲТ саммити доирасида бир қатор президентлар билан икки томонлама учрашув ўтказди

ASTANA. Kazinform - Астана шаҳрида Шанхай ҳамкорлик ташкилоти саммитига келган давлат раҳбарлари бир қатор икки томонлама учрашувлар ўтказди.

Саммит арафасида Озарбайжон Республикаси Президенти Илҳом Алиев ва Россия Федерацияси Президенти Владимир Путин учрашди. Икки давлат раҳбарлари ўзаро савдо-иқтисодий ва маданий-гуманитар алоқалар кўлами юзасидан фикр алмашдилар. Хусусан, инфратузилма (“Шимол-Жануб” автомобил йўли), энергетика, саноат соҳаларидаги муносабатларнинг устувор йўналишлари муҳокама қилинди.

Озарбайжондаги Россия маданияти кунларининг илк натижалари ҳам муҳокама қилинди. В. Путин Озарбайжон раҳбарига мамлакатда рус тилидаги таълим марказларининг барқарор фаолияти учун миннатдорчилик билдирди. Ва И.Алиев сўнгги икки йилда товар айирбошлаш икки баробарга ошганини, ўзаро савдо учун миллий валюталар қўлланилаётганини ижобий тенденция сифатида қайд этди.

Шунингдек, Россия раҳбари Мўғулистон Президенти Ухнаагийн Хурэлсух ва Покистон Ислом Республикаси Бош вазири Шаҳбоз Шариф билан ҳам учрашди.

Мўғулистон ва Россия раҳбарларининг учрашувида Европа ва Хитой ўртасида транзит юк ташиш салоҳияти ва муаммолари, Улан-Батор шаҳар темир йўлининг юк ўтказиш қобилиятини ошириш, Россиянинг Узоқ Шарқини Хитой билан Шарқий Мўғулистонда янги темир йўл қуриш масалалари, қўшма ГЭС қуриш масалалари муҳокама қилинди.

Шаҳбоз Шариф ва Владимир Путин ўртасидаги учрашувда Покистон-Россия муносабатлари ишчанлик ва дўстона руҳда ривожланиб бораётгани таъкидланиб, ўзаро товар айирбошлаш ҳажмини янада ошириш имкониятлари муҳокама қилинди.