Профессионал бокс: Жанибек Алимханули жаҳон рейтингида бир поғонага кўтарилди

ASTANA. Kazinform — Ўрта вазн тоифасида WBO ва IBF йўналишлари бўйича жаҳон чемпиони қозоғистонлик профессионал боксчи Жанибек Алимханули (17-0, 12 КО) навбатдаги ғалабасидан сўнг жаҳон рейтингида кўтарилди.

BoxRec портали маълумотларига кўра, Жанибек рейтингда бир поғона кўтарилиб, ўрта вазн тоифасида 857 балл билан иккинчи ўринни эгаллади. Бу вазнда кубалик америкалик боксчи Эрисланди Лара (31-3-3, 19 КО) пешқадам бўлган бўлса, британия боксчиси кичик Крис Юбанк (34-3, 25 КО) кучли учликка якун ясади.

Жанибекнинг сўнгги рақиби франциялик Анауэль Нгамиссинге (14-1, 9 КО) рейтингда уч поғона пастлаб, айни дамда 12-ўринни эгаллаб турибди.

Эслатиб ўтамиз, Жанибек BoxRec порталининг барча вазн тоифалари бўйича жаҳон рейтингида 18-ўринни эгаллаган эди. 

Эслатиб ўтамиз, 5 апрель куни Астана шаҳрида бўлиб ўтган «Battle of the Brave» бокс мусобақасининг асосий жангида Жанибек Алимханули франциялик рақибини 5-раундда нокаутга учратиб, чемпионлик камарларини муваффақиятли ҳимоя қилган эди.

Давлат раҳбари Қасим-Жомарт Тоқаев спортчини ғалаба билан табриклади.