ҚР Президентига Қатар Давлати асосчисининг қиличи совға қилинди
Давлат асосчиси Шайх Жассим бин Муҳаммад бин Танининг қиличи Қатарнинг энг олий давлат рамзи ҳисобланади. У монархлар, шаҳзодалар ва давлат раҳбарларига Қатар Давлати ва бутун инсоният тараққиётига қўшган ҳиссаси учун Амирнинг ўзи томонидан совға қилинади.
Бу қилич биринчи марта Саудия Арабистони подшоҳи Салмон бин Абдулазиз Ол Саудга тақдим этилган (2016). Кейинчалик қилич Уммон султони Хайсам бин Тарек (2021) ва Испания қироли Филипп VI га (2022) совға қилинган.
Бу рамз Қатар Давлатининг асосчиси Шайх Жассим бин Муҳаммад бин Тани (1827-1913) тутган қиличнинг айнан нусхаси. Қини олтин билан қопланган (18 карат), икки томони безатилган. Пичоқ қимматбаҳо зангламайдиган пўлатдан ишланган, тутқичи эса агат ва турмалин билан қопланган туя суягидан қилинган.
