Президент рухсатсиз граффитиларни тақиқлашни буюрди
ASTANА. Kazinform – Давлат раҳбари Қасим-Жомарт Тоқаев Астана ҳокими Женис Қасимбекка бинолар деворларига граффити чизганларга нисбатан қатъий чоралар кўришни буюрди.
Қ. Тоқаев бу топшириқни пойтахтдаги Президент боғида бўлиб ўтган "Тоза Қозоғистон" экологик акциясида берди.
19 сентябрь — Бутунжаҳон тозалик куни. Шу куни "Тоза Қозоғистон" лойиҳаси доирасида мамлакатнинг барча ҳудудларида кенг кўламли экологик акциялар ўтказилади.
Давлат раҳбарининг сўзларига кўра, бунга мамлакат шаҳарларида йўл қўйилмаслиги керак. Шунингдек, жамоат жойларини хароб қилувчи, дунёдаги энг ёмон вандализм ва безорилик шакли ҳисобланган бу турдаги "ижодкорлик"ни бутунлай тақиқлаш учун ҳуқуқий ва тартибга солиш чораларини кўриш зарур.
Эслатиб ўтамиз, Президент "Тоза Қозоғистон" республика экологик акциясида иштирок этди.
