Президент Россия Давлат думаси раиси Вячеслав Володинни қабул қилди

ASTANА. Kazinform - Қасим-Жомарт Тоқаев КХШТ Парламент Ассамблеяси Кенгаши йиғилишиида иштирок этиш учун Қозоғистонга келган Россия Давлат думаси раиси Вячеслав Володинни қабул қилди.

Учрашувда Қозоғистон ва Россия ўртасидаги кўп томонлама стратегик шериклик ва иттифоқчилик муносабатларини мустаҳкамлаш истиқболлари муҳокама қилинди. Қасим-Жомарт Тоқаев ва Вячеслав Володин савдо-иқтисодий ва маданий-гуманитар ҳамкорликнинг долзарб масалалари ҳамда Евроосиё интеграцияси истиқболлари юзасидан фикр алмашди.

“Президент қонун чиқарувчи органлар давлатлар ўртасидаги ҳар томонлама ҳамкорликни мустаҳкамлашда муҳим ўрин тутишини таъкидлади”, — дейилади хабарда.

Қасим-Жомарт Тоқаев кўп томонлама ҳамкорлик доирасида парламентлараро алоқаларни янада ривожлантириш ва қардош Қозоғистон ва Россия халқлари манфаатлари ва фаровонлиги йўлида икки томонлама шерикликни максимал даражада кенгайтиришга чақирди.