Президент “Органик маҳсулотлар ишлаб чиқариш ва муомаласи тўғрисида”ги Қонунни имзолади.

ASTANА. Кazinform - Давлат раҳбари Қозоғистон Республикасининг “Органик маҳсулотлар ишлаб чиқариш ва муомаласи тўғрисида”ги Қонунини имзолади.

Қонун табиий ресурсларни асраб-авайлаш ва улардан оқилона фойдаланиш, шунингдек, соғлом овқатланиш одатларини шакллантириш ва органик маҳсулотлар бозорини ривожлантиришга қаратилган.

Қонунга бир қатор янги қоидалар киритилган:

Биринчидан, Қонунда органик маҳсулотлар ишлаб чиқариш ва муомаласи соҳасидаги миллий қонунчиликнинг мақсад ва вазифалари қайта кўриб чиқилади.

Иккинчидан, органик маҳсулотлар ишлаб чиқарувчилар доираси кенгайтирилди. Яъни, жисмоний ва юридик шахслардан ташқари, улар таркибида органик маҳсулотлар ишлаб чиқариш билан шуғулланадиган уюшмалар (оддий шериклик) ҳам бўлиши мумкин.

Учинчидан, Қонун органик маҳсулотлар ишлаб чиқаришга ўтиш шартларини белгилаб беради ҳамда уни ишлаб чиқариш, маркалаш ва муомалага киритишга қўйиладиган талабларни белгилайди.

Тўртинчидан, органик маҳсулотлар ишлаб чиқариш соҳасида халқаро амалиёт ва стандартларга риоя қилиш мақсадида ихтиёрий иштирок, ички назорат ва жамоавий жавобгарлик тамойилларига асосланган қўшма кафолат тизимини (PGS) яратиш ва унинг фаолияти бўйича қоидалар қамраб олинган.

Давлат раҳбари “Қозоғистон Республикасининг айрим қонун ҳужжатларига органик маҳсулотлар ишлаб чиқариш ва муомаласи масалалари бўйича ўзгартириш ва қўшимчалар киритиш тўғрисида”ги Қозоғистон Республикасининг Қонунини имзолади.

Қонун матни матбуотда эълон қилинади.